Sheekh Cabdiraxmaan Sulaymaan Bashiir wuxuu ku dhashay magaalada Cali Sabiix ee waddanka Jabuuti,halkaas oo uu ku dhammaystay waxbarashadiisa hoose dhexe iyo quraankaba, waxbarashadiisa sarena wuxuu ku qaatay jaamcad ku taal waddanka Yaman , halkaasoo uu ka soo qaatay shahaadada Masterka ee culuumta sharciga Islaamka,Sheekhu wuxuu hadda hayaa xilka ah la taliyaha maxkamadda sare ee waddanka Jabuuti.Sh. wuxuu ka mid yahay dhallinyarada u ban baxday fidinta diinta Islaamka ee waddanka Jabuuti gaar ahaan iyo guud ahaanba geeska Afrika, wuxuuna barnaamijyo badan oo xagga diinta ah ka jeediyaa TV-ga iyo Radio-ga waddankaasi casharadiisana dadku aad iyo aad ayay u dhagaystaan, waxaanu Sh. leeyahay hab gaara oo fudud oo dadka dhagaysanaya muxaadarooyinkiisa ku soo jiito.

F.G. Muxaadaradan iyo kuwo kale oo aannu soo galin doono hilinkatoosan toosan haddii Eebbe idmo waxaa Sh. Cabdiraxmaan Bashiir lagaga duubay dawro(Koorso) oo ka bixiyay Masaajidka Raabidada iyo Masaajido kale oo ku yaala waddanka Finland  intii u dhaxaysay 5---15.5.2005.

Muxaadarooyinkaas oo maqal iyo muuqaalba leh waxaad ka dalban kartaa mali2@welho.com, amaba la soo xidhiidh hilinkatoosan@hilinkatoosan.com.