Taariikhda Sheekha oo kooban

Sheekh Almis Yaxye X. Ibraahim wuxuu ku dhashay magaalada Gabiley dabayaaqadii lixdamaadka,halkaas oo uu ka bilaabay dugsi Quraanka waxaana isagoo yar uu u wareegay waddanka masar oo uu ku qaatay wabarashadiisa ilaa uu ka gaadhay heer Jaamacadeed, waxaanu wax ka baran jiray Jaamacadda Al-Ashar. Wuxuu bilawgii sagaashanaadkii u soo wareegay xagga waddanka Finland waxaanu ka mid ahaa dhallinyaradii qaybta laxaadka leh ka qaadatay isku keenidda iyo wacyi galinta muslimiinta ku dhaqan Finland oo xooggoodu ay haayeen dadka Soomaalida, waxaanu xagga hore kaga jiray dhallinyaradii u tafaxaydatay sidii ay muslimiintu kaalin muuqata uga qaadan lahaayeen waddanka ay ku nool yihiin, wuxuu duruus xidhiidha ka bixin jiray masaajidka Raabidada Islaamka ee Finland iyo meelo fara badan oo waddanka Finland goboladiisa ka mid ah isagoo si hagrasho la'aan ah u fulin jirey kolba wixii loo baahdo ilaa haddana uu weli sidii ugu guda jiro. Sh. Almis Yaxye X. Ibraahin waa xaasle shan caruura leh. waana nin aad iyo aad u firfircoon bulshaawina ah, hadda wuxuu Jaamacadda Yoonsuu oo ku taalla waddanka Finland ku diyaarinayaa shahaadaa Mastarka ee Culuumta Islaamka.