|
Iska hadlow Ina
Igarre
Islaan baa laga hayaa
Iska hadlow Ina Igarre e waxaa ayaamahan
hadal hayntiisu badatay hadal Baadariga
hoggaamiya diinta Katooligu uu Islaamka ku
weeraray kuna sheegay diin la soo shir
tagtay waxaan caqligu qaadanaynin seefna ku
meel martay, wuuse iska hadlaye bal aynu
dhawr arrimood ka soo qaadanno sida Kitaabka
Quraanka ah iyo Sunnada Nabigeenna nnEka iyo
cilmiga casriga ahi isku waafaqayaan iska
daa caqligalnimada diinteenna sharafta
lehe.Aan marka hore ku billawno hadalkii
Ilaahay korree oo nasahnaaye uu ku yidhi:-"Markase
araggu wareero, Dayaxuna madoobaado, Lana
kulmiye Cadceedda iyo Dayaxa, Wuxuu odhan
dadku maalintaas xaggee loo cararaa"Suuradda
Al-Qiyaamah Aayadda7-10aad.Culimadu waxay
sugeen in dayaxu sanadkiiba ka sii fogaado
dhulka fogaan celcelis ahaan dhan 3
cm,fogaantaasi oo keeni karta in waqti
waqtiyada ka mid ah uu dhulku u dhawaado
Cadceedda isla markaana uu galo majiiraha
cufisjiidadkeeda, kaasoo si aad ah uga badan
cufisjiidadka dhulka, waxaana ay arrintaasi
dhalin kartaa in ay Cadceeddu liqdo
Dayaxa.Markasta oo uu Dayaxu ka sii fogaado
dhulka waxaa sii yaraada iftiinkiisa kaasoo
u sii ekaada mid madoobaanaya,ilaa uu ka
galo majiiraha cufisjiidad ee Cadceedda,
waqtigaasna waa marka uu Eebbe korreeye
kulmin doono Cadceedda iyo Dayax. Eebbaana
run sheegay.
 Waxaa
kale oo uu Eebbe korree oo nasahnaaye
Quraanka Kariimka ah ku yidh:-"Waxaa
dhawaatay Saacaddii (Qiyaame),
Dayaxiina wuu
dhambalmay (dillaacay).
Haddii ay gaaladu
arkaan Aayad way ka jeedsadaan waxayna
dhahaan waa sixir daran" Suuradda
Al-Qamar Aayadda 1-2aad. Mucjisadaasi waxay
dhacday waagii uu Nabigeennu naxariis iyo
nabadgalyo Eebbe korkiisa ahaataye uu Maka
joogay, iyagoo gaaladii reer Makaad ay
Nabiga nnEka ka codsadeen inuu mucjiso tuso,
oo ay waliba ka codsadeen inuu dayaxu laba
dhambal noqdo, markii uu Rasuulku nnEka uu
Eebbe nasahnaa oo korreeye baryay ayuu
dayixii kala dhambalmay, laba qayboodna kala
noqday, hase yeeshee sida Eebbe nasahnaaye
innoo sheegay waxay Nabigeennii nnEka ku
yidhaahdeen waad na sixirtay. Inkastoo
haddaba ay 1400 oo sano ay dhacdadaas ka soo
wareegty ayaa waxaa ay hayadda NASA oo ah
wakaaladda Hawada sare ee Maraykanka
xaqiijisay kaddib sawiro uu soo qaaday dayax
gacmeed ay wakaaladdaasi hawada u dirtay oo
la yidhaahdo Clementain in dayaxu uu
bandhtanka ka kala go'ay laba gobol oo
isleegna u kala go'ay isla markaana uu dib
iskugu soo noqday, taasoo bay yidhaahdeen
weli aanu meere kale ama walax cireed kale
oo sidaas oo kale u kala go'ay aanay la
kulmin, waxayna sheegeen inay arrintaas la
yaabeen isla markaana aanay fasiraad u
haynin. Fasiraadi way jirtaaye Quraanka
Kariimka ah dib ha ugu noqdaan.Sawirka
geeska bidix ka muuqdaana waa sawirkii dayax
gacmeedku soo qaaday taasoo aad ka arkayso
raadkii dillaaca oo si cad uga muuqda dayaxa
guudkiisa.
Waa mucjisooyin tusinaysa
xaqnimada Diinteenna oo aanay dhab ahayn
waxa uu ninka iska hadlay ku sheegayo in
garashada caqliyeed iyo diinta Islaamku
aanay iskeenayn, isla markaana sida uu
sheegay ay diinta Islaamku ku faaftay seefta
caaradeed,sidoo kalena uu markhaati ahaan u
soo qaatay hadallo uu yidhi boqoradii
kiristanka ee Qunisdandiin ka talin jiray
kaasoo sida uu sheegay yidhi Nabi Maxamed
nnEka wax fiican ma keenin diintiisuna seef
bay ku faaftay, waxaanan ,mar kale leenahay
iska hadlow Ina Igarre.
La soco qormooyinka dambe.............
|
