|
Magaaladii Doqomada
Beri baa waxaa jiri jirtay magaalo ay
dadka degeni doqoniimo ku caan baxeen, waxaana magaala
dhexdeeda ka qodnaa god wayn oo keenay in dad badani ay ku
dhacaan dhaawac iyo dhimashaba u keenay, markay dadkii
khaatiyaan ka noqdeen godkan uun markasta lagu dhacayo ayaa
intay dadkii magaalada degenaa shir albaabadu u xidhan yihii
galeen waxaay go'aan ku gaadheen in
arrintan loo xil saaro saddexda qof ee ugu maskaxda badan
magaalada, kuwaasoo loo xilsaaray wixii godkan baas laga
yeeli lahaa. Saddexdii nin ayaa intay godkii dul tageen mid
waliba fikrad uu islahaa waa lagama maarmaan ayuu halkaas ka
soo jeediyay.
Kii koowaad ayaa yidh:- "Aniga waxay ila
tahay in sida ugu fiicani ay tahay inaynu dad ag dhigno
godka si marka uu qof ku dhacaba ay degdeg ugula cararaan
dhakhtarka si qofka loo daweeyo".
Kii labaad ayaa isna yidhi:-" Waar maye
arrintu malaha sidaas kuma habboona e waxay aniga ila tahay
inaynu baabuur ambulance ah godka ag dhigno si marka uu qof
ugu dhacaba degdeg dhakhtarka loogula cararo".
Kii saddexaad ayaa isna la soo booday oo
yidhi:-" Waar malaha waxaa ka wada fiican inta aynu godkan
aasno inaynu mid kale oo baddalkiisa ah dhakhtarka agtiisa
ka qodno".
Akhristow adna maxaad u malayn lahayd,
maxaadse ka dhihi lahayd sida duruufteenna xaadirka ah u
suuraadinayso.
|
