|
Naxariista Eebbe ha
ka quusan
Qof dumar ah oo ma
dhalays ah ayaa Nabi Muuse naxariis iyo
nabadgalyo Eebbe korkiisa ahaataye u timid,
markaasay ku tidhi Ilaahay ii bari si uu
ubad ii siiyo,Nabi Muuse naxariis iyo
nabadgalyo Eebbe korkiisa ahaataye ayaa
Eebbe la hadlay oo u baryay inuu gabadhaas
siiyo ubad, Ilaahay korree oo nasahnaaye
ayaa ugu jawaabay "Muusow waxaan u qoray
inay madhalays noqoto", markay Nabi Muuse
nnEka gabadhii u timid ayuu ku yidhi markaan
Ilaahay ku baryay ayuu Ilaahay igu
yidhi:-"Muusow waxaan u qoray inay madhalays
noqoto". Sanad kaddib ayay
gabadhii haddana Nabi Muuse dib ugu soo noqotay markaasay ku
tidhi Ilaahay ii bari si uu ubad ii siiyo,Nabi Muuse
naxariis iyo nabadgalyo Eebbe korkiisa ahaataye ayaa mar
kale Eebbe la hadlay oo u baryay inuu gabadhaas siiyo
ubad, Ilaahay korree oo nasahnaaye ayaa ugu jawaabay
sidii markii hore uu ugu jawaabay "Muusow waxaan u qoray
inay madhalays noqoto", markay Nabi Muuse nnEka gabadhii u
timid ayuu ku yidhi sidii markii horemarkaan Ilaahay ku
baryay ayuu Ilaahay igu yidhi:-"Muusow waxaan u qoray inay
madhalays noqoto".
Muddo kaddib ayay waa dambe gabdhii u
timid Nabi Muuse iyadoo ilmo sidata, markii uu waydiiyayna
cidda ilmahan dhashayna waxay ugu jawaabtay aniga ayaa
dhalay oo Ilaahay baa i siiyay, markaasuu Nabi Muuse nnEka
Ilaahay la hadlay oo uu yidhi:-" Eebbow saw adigii
madhalysnima u qoray maaha". Eebbe korree oo nasahnaaye ayaa
ugu jawaabay:- "Muusow mar kasta oo aan u qoro madhalaysnimo
, ayay tidhaahdaa Raxiimow(Naxariistow), mar kasta oo aan
madhalaysnimo u qoro ayay tidhaahdaa Raxiimow (Naxariistow),
markaa naxariistaydii ayaa ka hormartay awooddaydii".
Markaa walaalow markasta oo ay dhibaato kula kulanto,
markasta oo aad wax u baahato Ilaahay bari, isaga ayaa wax
walba ku siin kara, gacmaha kor u taag oo Ilaahayow
dheh,naxariistow dheh, gargaarow dheh, dhibta iga dul qaad
dheh, baahidaydana dabool dheh, muslimiintana Eebbow u
naxariiso dheh, dhibtana ka dul qaad dheh,
muruqooda,maalkooda iyo maskaxdoodana meel iskugu gee dheh,
marka aad Eebbe nasahnaa oo korreeye aad baryaysana afka
haka baryine qalbiga ka bari.
|
