Ilaahay Korree oo nasahnaaye wuxuu yidhi:-"Kuwa xaqa rumeeyayow waxaa laydinku waajibiyay Soonka sidii loogu waajibiyay kuwii idinka horreeyay si aad u dhawrsataan" Suuradda Al-Baqara Aayadda 183

Walaalkayow Soonkii Sharafta lahaa ayaa innagu soo fool leh, markaa inta laga gaadhayo waxa aynu si googoos ah u soo qaadan doonaa casharo ka hadlaya Soonka ,innagoo ka bilaabayna xukunkiisa,fadligiisa ilaa aynu bilawgiisa la bilaabi doono waxyaalaha qofka Muslinka ah la gudboon inuu sameeyo iyo waxyaalaha ay mudan tahay in qofku sameeyo iyo waxyaalaha qofka looga baahan yahay inuu ka digtoonaado si Soonkiisa Inshaa Allaah uu u noqdo Soon ajarkiisu buuro u noqdo ee sidaa ula soco. Fadlan haddii aad su'aalo amaba xog dheeri ah doonayso gacmo furan ayuu hilinkatoosan kugu soo dhawaynayaaye nagala soo xidhiidh:-

     hilinkatoosan@hilinkatoosan.com 

Haddaba walaalkayow si faa'iidadu inoo wada gaadho aynu kow ka bilawno ilaa inta Ilaahay korree oo nasahnaaye uu innaga garansiiyo aynuna ku bilawno magaca Eebbe korree oo nasahnaaye, aynuna u kala horraysiino sidatan hoose:-

1-Xukunka iyo Fadliga Soonka Bisha Barakaysan ee Ramadaan

2-Goorta iyo Cidda uu waajibka ku yahay Ramadaan

3-Dadka Sharcigu u fasaxay inay afuraan

4-Xukunka qofka Soonka cudurdaar la'aan uga taga

5-Tiirarka Soonka

6-Aadaabta Soonka

7-Waxyaalaha bannaan ee la samayn karo Soonka dhexdiisa

8-Waxyaalaha Soonka jabiya

9-Guditaanka qofkii uu Soonku dhaafo

10-Dhacdooyin Taariikheed oo bishan barakaysan dhacay

11-Habeenka Laylatul-Qadriga

12-Ictikaafka

13-Sakada Fidriga